Дархан аварга А.Сүхбат наадамд зодоглохоор бүртгүүлжээ

2014-07-10

Дархан аварга А.Сүхбат энэ жилийн наадамд зодоглохоор  өнөөдөр Бөхийн өргөөнд очиж бүртгүүлсэн байна. Үндэсний их баяр наадмын тухай хуулийн өөрчлөлтийн дагуу наадмаас өмнө дархан аварга цолоо хүртвэл шинэ цол, ард түмнээ хүндэтгэн наадамд зодоглоно гэдгээ хэлсэн удаатай. Түүнд дархан аварга цолыг хэдхэн хоногийн өмнө гардуулсан билээ.

Гэхдээ бөх сонирхогчдын дунд түүнийг энэ жилийн наадамд барилдах эсэх тухай таавар, тодорхойгүй таамаглалууд явсаар байсан юм. Энэхүү таамаглалыг бататгаж Дархан аварга А.Сүхбат энэ жилийн баяр наадамд барилдахаар болсон байна. Тэрээр байнгын бэлтгэлтэй байгаагаа ч дуулгасан билээ. Энэ талаар өөрөөс нь тодруулахад, 

-Та энэ жилийн наадамд зодоглохоор бүртгүүлчихэв үү?

-Бүртгүүлчихлээ, наадмаар уулзацгаая.

Ж.МАРАЛ

http://www.medee.mn/main.php?eid=49731